Hallödele
Also ha öich numä mau no s paar Sächeli wöuä verzeuä wägm Visum für d USA. Mä muäs so 5 Formular usfüuä uf Änglisch u öppä geng z Glichä. U uf sorä Sitä muäs mä tatsächlech ungerschribä das mä ke Terrorist sig u ke Aschläg plant. Hallo?Ja u uf dr Botschaft hani öppä 2.30 std eifach chönnä Wartä. Si hei digital mi Fingerabdruck gnoh ( was für eine Technik ;-p ), u dr Typ dert het mer zum Abschluss no gseit das i mir in Minnetonka wirdä dr Arsch abfrührä ( wük i denä Wort! ).
Minnetonka het nähmlech im Winter aubä so 30 Grad minus!!! U dert chani ni mau ga boardä, dr gröscht höheunterschid isch 500 m!!! Na toll...
Ah ja u no öppis. I ha scho Kontakt mit mira Gastmuäter Sandy. U si het idä letschtä paar Mails immr öppis vo Baby Shower gret für ihres Grosschind wo im Oktober uf d Wäut chunnt. U i so dänkt: ja schön für di das du denä ä Baby Duschi schänksch...*gähn* U ha nid witr druf reagiärt.
U gester hani usägfundä, Baby Schower bedütet nid ä Duschi fürs Baby, sondern ä Baby Party! Si het für ihri Schwigertochter ä Babyparty gä u het diä ganz zit müässä vorbereitä u so!
tja so Missverständniss wärdä mer äuä no viu passiärä....:-p
lg
posted by Pia @ 3:53 AM
0 Comments:
Kommentar veröffentlichen
<< Home