Donnerstag, Oktober 05, 2006

gut, heute etwas zum thema essen in der schule

i eusere schu het nid jede glichzitig lunch, es git insgesamt gloub 6 lunchzite. me het lunch fuer 30 min. die meiste esse ir cafeteria. dert mues me nid mit cash zahle, me het e code wome dermit zahlt. me het aso e account u mues dert geng widr geld druflade.es het "italian food", "chinnese food", e "salad bar" u e "hamburger bar". das toent ja nid schlecht,...isch es aber. echt ungniessbar...abr ja me isst was uf em teller isch! :-p ah apropos teller. es si ke teller es isch so wie es tablett wo teller ibout si u es isch us som ne plastikgumigmischdingsmaterial. o gable u messer si natuerlech ( wegen sonstiger verletzungsgefahr ) us plastik.
we me fertig gesse het de schiesst me sis tablett u aues wo druffe isch i so risigi container. s gseht aube zimlech hesslech us dert drinne wiu es paar iri milch odr ihres esse nid ganz verspise hei...

guet iz no oepis erfreulechs: ig ha i dem semester es A ( 6i )im math!!! hahaha i bi ja so guet! ( odr: die si ja so schlecht! )

und juhuuu i ha hie es foto fuer euch, ich nenne es: die braut und ich
nei ig schaffes immr nonid mini eigete fotos drufzlade-_-

guet denn hani no es zwoeits, vo mir u vor quincy ( kuule name gell? ) , si isch d frou vom jason ( mim bruedsch )

posted by Pia @ 1:20 PM