greets from Minnetonka: high school football

Donnerstag, Oktober 26, 2006

high school football

ey leude, ey leude
guet huet mau oeppis zum football vor schu: normalerwiis isch au friti es footballgame, u jedes zwoeite mau ischs usswaerts. am friti ir schu traegae aui footballplayer ihres trikot ( schribt me das so? ) u d fruendinne vo ihne trage ihri usswaertstrikots. die meiste cheerleader trage o ihres outfit. u vili schueler trage o es skipper t shirt odr e skipper pulli odr e tonka pulli ( ueses team heist skippers u tonka isch d abchuerzig vo minnetonka, geschnallt? ).
am abe fat de z game am 19:00 a. fuer schueler chostet z ticket 4 $. ja u de geit me uf d tribuene. meistens steit me die ganz zit u fuehret sini manschaft a. abr es si nid au wo goe footballbegeisteret, es isch eifach sones ding wo jede here geit, es isch so e grund fruende z treffe, sones sozials zuegs.
z spiu geit oeppe 2 stund odr so, isch immr verschide. ir pouse tanzt z dance team oeppe immr dr glich tanz ( fuer was bitteschoen trainiere die 3 mau ir wuche?! ), und d baend spilt ( grotteschlecht ). me cha popcorn u so zueg choufe. jajaaa
z afuere isch huere witzig wiu mer u viu verschideni spruech songs u aues hei wo mer entweder eusi mannschaft afuere odr die gegnerischi disse. me schreit, tanzt u lacht.
ja z ganze footballgame isch wie e riisigi party!