pep fest
helloudi, ha widr viu z verzeue u wenig zit. huet isch schliesslech dr homecomingdance u i mues no sooo viu erledige...
aso vorgester si drogespuerhuend ir schuu gsi u hei au locker durchsuecht. s si nur 2 luet verwuetscht wode.
so iz zum
homecomingday ( gester )
gester isch jedi klass 10 min chuerzer gsi u i bi widr mau vou verwirrt gsi u ha nuet gschnallt -_-
abr das isch gsi wiu direkt nach dr schu isch z
pep fest gsi. es si au luet vor schueu i sone art iisstadium ohni iis gange ( d turnhalle ) u dert hei d star-seniours ebe sone art ke ahnig tallkshow moderiert. u mer si so trennt ghocket freshmen, sophomore, juniors und seniors. aui showilade si a d seniors grichtet gsi.u mer hei ner o so zueg gmacht vo wege wer am luetischte cha schreie. u angerszueg wo vertreter vo jedere klass hei muesse zB e boyband imitiere. u mir seniors hei jedes mau gwunne ( die andere hei gar ke chance becho wiu d moderatore uf eusere site si gsi, u wiu seniors immr gwinne ;-p ). z witzigste isch gsi, ds es paar jungs hei i roeckli u struempf u eifach frouechleidli hei e showilag bote wo si so frouetaenzli bote hei ( das isch hie ahnschinend sehr populaer sech aus frou z verchleide ;-P ).
das het so grockt:-D
z groeschte dert isch abr gsi das dr homecoming king und d homecoming queen si kroent worde ( wie im film ).
nach em
pep fest isch sone parade gsi z keahnigwo. u ig bi so uf ere "float" gfahre ( sone charge\ das isch e ehr ). s isch so ehnlech gsi wie d loveparade nume chliner u nid so hesslechi musig. u mer si uf dr float gsi u hei gwunke u au hei eus zuegjublet. ( dankeschoen, dankeschoen )u z koenigspaar isch i somne luxusschlitte gfahre.
nach dem isch z footballgame gsi. ir mitti hets afa in stroemae regne-_-.
nach em gwunnene footballgame, si mer zure ueberraschigs-geburtstagsparty vom ne kolleg cruised.
oeeoeoeoeoe heit dir gwuest das tokio hotel o in belgie u tschechie bekannt si? ich bin empoert!
girlz'n'boyz
aso bis huet hani das verchleide ja no amuesant gfunde....abr huet ischs eifach nume no pinlech. harry potter vs. fluch der karibik isch z thema. u au gseh so bescheuert us. aecht nume no zum peinlich beruert wegluege...
i bi iz scho sit 3 wuche hie u bi gester z erste mau mim nachbar begaegnaet. i finge das isch no grad chli frueh gsi u i verchraftes nur schawer...
aso i ha denkt das i euch mau choennt d jugend vo hie beschribe:
typisches minnetonka high shool girl:-total unnatuerlich gebreunt-
traegt entweder jeans-mini-mini
-oder jeans hose mit riesen loechern ( o d maennaer goe mit dere mode )
-traegt tonnenweise make-up
-streckt sich die blondbraunen haare
-laeuft auf absatzschuhen
-sagt heeeeeey in diesem ton der unbeschreibbahr ist
-hat blendendweisse zaehnae
-tanzt seit sie 5 ist ballet und alles drum herum
-...
typischer minnetonka high school boy:-gibts nicht
-aber hie si si viu muskuloeser aus deheim wiu die meiste totali sportfanatiker si. = das weibliche geschlecht ( ich ) ist happy ;-p
so iz no oepis zur mode hie. hie trage sowohl modi wie o giele witi pullis. u meistens si d chleider mit irgend em ne sport team vo uesere schu bedruckt.
ah de isch mer no oeppis anders ufgfaue: d amerikaner mache z 8 nid wie mir i eim schwung, si mache 2 kreise! ( spannend )
tierisch gut :-p
i gseh hie jede tag ca. 5 eichoerndli, ha scho hirsche im garte gha, ha 2 kolibris vo mim fenster us beobachtet u gester nacht hette mer fasch 2 waschbaerae ueberfahre!!! i ha grad z voue laebae-ig-hie-im-ne-zoo-odr-was-? feeling...
ps de post isch am andi gwidtmed wiu er so churz isch ( insider )
im pyjama ir schuel
gester bini im piyama id schu. abr niemer het mi usglacht, es paar hei mer sogar kompliment gmacht wege mim outfit! wiso? tja wiu au andere o hei ires pyjama treit, es isch naemlaech pyjamaday gsi! ir wuche vor homecoming, treit me i eusere schu jede tag spezielli chleider. huet isch arbeitschleider trage agseit gsi, morn isch country club day....
jep, mini schu isch schreg! und i liebe se derfuer!!! ;-D
MALL OF AMERICA
aso i eusere schu hets echt zum teil chli ischuechterndi luet.... eine treit immr die glich sunnebruelle. u me cha sini ouge nid gseh. so eine wie dr eint vo x-men. u er laechlaet nid. villech ligts o nume a mir abr de typ chunnt mer so psycho ine. er isch o nid blind odr so, de waers ja normau er isch eifach boe...ner gits no sone "boese footballplayer" er isch 10 cm groesser aus ig u e hure chaschte, u wener no d footballuniform treit ischr so breit wie hoech. er het ke haar, lachlet o nie.u het sone wed-mi-nomau-aluegsch-killi-di-blick. freitagam friti bini a mire erste homeparti hie gsi. war voll der fun! obwou d mere isch da gsi-_- i hase abr nie zu gesicht becho. die si nehmlech liecht rich u hei e rum extra wo d tochter ihri fruende cha empfah. si mit pingpong tisch, billarn, toeggelitisch, fernseh, chueuschrank....einisch hani u heiss gha ner hani schneu use weue a die frueschi luft. ig oeffne dtuer u stirbe fasch vor schockierig. dr footballchaschte isch dert gstande im dunkle!!! i ha ufm absatz chert gmacht u bi widr ine. ( ok das chunnt euch iz villech laecherlech vor (u mir im nachhinein o) abr dir kennet si blick ja nid!samstagwie scho gseit bini am samsti ir mall of america gsi. es isch so riiiiiiiiiiiiiiiiisig! das choeit der nech gar nid vorsteue! ( ig o nid u i bi drin gsi) die mall isch groesser aus baern u het sichr meh laedae drin! i gloube me het oeppe e monet fuer aues z azluege odr no lenger. es het dert es riserad, 4 achterbahne, karusells...alles dinne. es isch wie e rise stadt mit rolltreppe! echt hammr! das totale shopping erlebniss!sonntaghuet bini scho widr ine mall. die isch zwar groesser aus jedi ir schwiz abr e zwerg im gegeteli zur mall of america. ha schue kouft fuere homecoming. iz bini happy ;-Dund mued...lg piia
liche im schuelhus
gester woni am morge bi id schu cho, isch neume aues abgsperrt gsi. u s si u viu luet um d absperrig umegstande. aso bini o ga luege. u was ig dert ha gseh het mi henne gschockt: verhuellit lichene uf em bode!!!
es het sech de abr usegstellt das es gar ke aechti liche si gsi. d schu het mit dem nume weue das mer eus gedanke ueber "drink and drive" odr besser " don't drink and drive" mache.
wo mer hei math gha ( bi ahnschinend doch guet, ha 100% im letschte test richtig gha ), hets ploetzlech henne ( i weis was mis papilein iz denkt ;-D) lute ke ahnig was gha. i bi henne erschrocke u die andere hei mi usglachet -_-. sisch naemlaech "nume" dr fueralarm gsi. abr d lehrer hei henne panik becho ( mer hei neui wo das nonie erlaebt hei) u hei gseit mer seue aues la lige u use ga. was mir u ahnschinend aui andere vor schu o gmacht hei. mer hei muesse ufs footballfeld ga stah. nach ere halbstund hei mer wider ine choenne...
am zisti hani mini ersti jazzstund gha. au andere tanze scho sit jahre dert, u i ha mini ersti stund jazz mit dene gha. choit nech ja denke wie das usgseh het....huet isch friti u i ha geng no muskukater.
gester hani mini haar gschnitte ( spannend i weis ) u ner bini mis foto fuers yearbook ga mache. mi fotograf isch vou schreg gsi. aber isch voll de plausch gsi ;-)
es isch u chaut hie. ig trage 2 pulover u oeppe aui si vercheutet. abr mi dady (:-p) louft no i shorts ume!!! dae spinnt!!!! er seit " i don't wanna give up the summer" odr so oepppis. das isch ja scho reacht, abr wiso cha er i summrchleider umeloufe u nid chaut ha u sech nid verceute u ig nid?! :-(
morrrrrn gani mit em ne ustuschschueler woni uf em flug dahaerae kenneglernt ha ( er wohnt zwar 3 std aoutofahrt witer waeg abr hie rechnet me i andere dimensione u nimmt 3 std outofahre fuer shopping i chouf )id mall of america. ds isch z groeschtae ichoufszaentrum vo amerika. dert drin hets sogar 8erbahne!!! i'm so exited! :-p
wuensche nech es schoens weekend
pia
baraguga
helloudi! huet raegnaets z erste mal sit ig hie bi. abgseh geits mer abr guet. gester abe hani usegfunde das ig es richtigs talent im pool spile bi ;-)
ehm was gits suesch no neus...ahja ig ha es homecoming date!!! ( villech chani iz widr ruhig schlafe :-p)...ah u huet hani usegfunde das e kolleg vo mir dr capten vor hiphopgruppe vo uesere schu isch. leider hani o usegfunde das ig liiiiiiecht nid mit ihm cha mithaute...i ha aso ni wuek e chance fuer id gruppe cho ( all meine traeume wurden zerstoert ) :'-(
abr s git schlimmers... ( nei gits nid :-p)...derfuer het er mi iglade zum so zu sore breakdance competition mitzfahre, aso widr oeppis positivs i mim laebae ;-)
u die wuche fani de a i somne tanzstudio z tanze was natuerlech o supa isch...
was gits suesch no? ahja i erklaere euch schneu d klassestufe suesch schnauet ders eue aube nid weni drvo stusse. aso i mire schu si 9t bis 12t klaessler. d nuentklaessler nennt me freshman ( si si ( tschuudigung fuer e usdruck) d aerschloecher vor schu. s isch extrem. we zum bispiu oepper seit ds er e freshman isch, saegae aui grad freshmen suck!), d zaehtklaesslaer nennt me sophomore, d 11tklaesslaer nennt me junior u d 12klaesslaer senior. i bine senior u me het henne vorteil weme e senior isch: me cha d schu waeraend em lunch verlah, darf zu jedem ball, darf homecomingqueen u king waelae...ja u die meischte si scho 18i.
ja u huet hei mer seniors aebae fuer homecomingking und -queen abgstimmt. mer hei je 3 maennli u 3 wibli choennae vorschlah. i ha natuerlech widr es problem derbi gha wiu i doch ke nachnaemae weis abr die hilfe nahte. ( cha me das saegae?!)
tschauuu leutchen
pia
schlafverhalten
aso iz mau e itrag zu mim schlafverhaute ( i weis das isch ja soooo spannend :-p ).
ig bi geng scho am 8i odr 9i mued sit ig hie bi. ah u am 2 am namitag o ( villech ligts o dran das ig den grad sone laengwiligi lektion ha ). nere...ischlafe chani guet. z problem isch das i nid cha usschlafe!!! egau wie spaet ig iz bett bi am haubi 9i wacheni uf. ds naervt liiiiiiecht...
ah u ig ghoere jede schritt wo ueber mim zimmr gmacht wird henne lut i mim zimmr ( ig schlafe im untergeschoss ). u das hiuft sichr o nid bim lenger schlafe...ja u i treume immr vo luet vo deheim ( bern ). u meistens treume ig das dir i gfahr sit u ig euch nid cha heufe( das chame iz psychologisch analysiere). zB. das portmanns si kidnappd worde u nume ig weis es u dr kidnapper wot euch kille abr ig weis z telnummero vor polizei nid...blabla son zeug halt.ig ha no nie oeppis vo hie treumt u i ha ke ahnig i welere sprach ig treume...
-z footballgame hei mer 7 zu 6 gwunne.
-bi mexikanisch ga aessae. ha mi ueberschezt u vor schaerfschtau sosse gnoe. den rest koennt ihr euch denken.
greez pia
yes
halloedele
huet isch e super tag gsi. i has bim erschte mau versueche gschaft mi locker ( die schaeftli wome sis zuegs dri tuet ) z oeffne u i hami zerste mau der ganzi schueltag nid es einzigs mau verirrt *stolz auf mich selbst sein* :-p ja u huet hei mer 2 tests gha...i has natuerlech nid mitbecho das mer die werde ha -_- abr im math hani 87% antworte korrekt gha, das entspricht em ne A oder B ( A isch z beste, F z schlechtischte ), aso bini o ohni glernt z ha zimlech guet drin hoehoe.
ja i ha nid wuerklech viu erlaebt i letschter zit drum verzeu i ech mau was i no so vor ha. morn isch widr s footballgame woni natuerlech ni darf verpasse....am samstig zeigt mer eue dr jack ( nid dr hund, sondern sone moensch i mim alter ) minneapolis, standartmaessig naturlech i sim outo hehe....am sunnti chunnt d grace ( vo ghana ) zu mir u mir watche movies u am abe chunt die ganzi family zu eus cho esse wiu dr sohn vo san francisco ueber z weekend ir stadt isch ( i ga o geng so aueber z weekend schneu uf die anderi site vo amerika, standart )...denn i 2 wuche isch homecoming!!! i ha no kes date -_-
u au maenleche waese wo i mim momentan no chline fruendeskreis si hei e fruendin :'-(
abr wenigstens hei die andere 15 ustuschschueler vo mire schuh o no kes date *schadenfreude*. u s hei sowieso no nid viu es date. u me cha o i gruppe ga...
oeeee so bescheuert: i muess tatsaechlech e bewaerbig fuers collage schribe...derbi gani gar nid!!! naaaja wesi mi wei quaelae seue si doch...
eehm aso i soett iz no 20 site lese im buech les miserables, uf english. ner fuer theater u franz teschts lerne u no e ufsatz ueber iwanderer schribe. also leutchen: d schu isch hie o nid besser.
mit dem super schlussatz beende i mi huetig itrag.
ciaooo
<---ueses team
School Spirit omg
oooooke ha widr mau viu erlaebt...
fritiim math hei si ploezlech gseit das aui seniors ( dabschlussschueler ) seue iz grosse theater ga. iiiig bi o eini vo dene aso bini nat. o gange. dert si mer ( cs. 800 leutchen ) ner ghocket u hei gwartet. ner het e senior ca. 5 min e red ghaute. ner isch gloub d direktor odr so dranne gsi mit 15 minutiger red. u er het eus tatsaechlech so zueg gseit wie das mir vou dstars, d kings vor schu si, u das jede wot so si wie mir!!!schreg naja...
uebere mittag bini mit der alie u 4 tye i ihrem eigete cabriolet ( ! ) i sone art burger king ga esse. s isch es vierer cabriolet gsi u mer hei eus liiiiecht muesse quetsche ;-p
am abe simer zeme a footballmatch. mer si z vorderst bir tribuene bi de extreme fans gstande. u "mir" hei die sogenannti front bildet. "mir" si so wiud gsi, das 2 securitas hei uf "ues" muesse ufpasse...si si so irr gsi: s paar gliele hei sech aus cheerleader verchleidet!! omg i bi fasch verreckt vor lache...u si hei so schregs zug gmacht wo liecht verwirrend isch gsi. zB. hei einisch aui ihri schluessubuend fuere gnoh u hei dermit klirrt, oder ploetzlech si aui am bode glaege. u i nume so hoe? vor eus si o grad die echte cheerleader gsi u d maskottchen. euses team het hochhinaus gwunne so 38 zu 0 abr i ha nuet vom spil mitbecho... hehe
nach em spil isch ner dr tennisdance gsi. s isch eifach sone disco gsi ir cafeteria, nuet speziells...mit 1000 luet!!! u es isch so eng gsi das me gar nid het choenne tanze, das womer gmacht hei wuerd i es mit-der-masse-mitschwanken bezeichne. ah u z thema vo dem dance isch beach gsi odr so, s si emu u viu i badchleider u so hulachettine, toucherbrueue u so ufkruetzt.
u nach ere lange nacht, isch d party over gsi ( am haubi 12 muahaha )
samstiam samsti isch sones yfu treff gsi fuer d ustuschschueler. i ha denkt es si dert nur die vo eusere schu u so aso bini ohni grosses z erwarte liecht versifft no haub im trainer dert haere. abr neei es isch nuet chlises gsi, ums gnauer z saege si dert 140 ustuschschueler vo ganz minneapolis u umgaebig gsi! u s isch 7 std gange. mer hei die ganz zit muesse dusse si u es isch u chaut gsi ( u iz bini vercheutet, merci ). mer si so i chline grueppeli gsi u si vo eim poste zum andere. d poeste hei s theme gha wie daiting, problem mit der sprach, hostfamily, school...i ha erfahre das mer e biwilligung bruche zum snowboarde ( ist das zu fassen ), u bim datingposte heisi eus doch tatsaechlech gseit mer seue ke sex ha vor der ehe *prust*
oepis anders wosi eus o hei gseit isch de abr nid so witzig. mer doerfe familie u fruende nume einisch im monat aluete!!!
am haubi 8i bini ner ebe ad hochzit, aso eifach a das wo nach der hochzit isch. isch vou dr fun gsi wiu s si au so um di 24i gsi. henne viu hei mer abote ( ja i weis du darfsch nid suffe abr ig wuesst da scho e weg derzue fuer huet abe...i ha nat. dankend abglehnt ;-p ). ja s isch sone richtig amerikanischi hochzit gsi mit dem brutstruss werfe ( i hane leider nid verwuetscht -_- ), tanze...echt amusant...
sunntiheute hani z erste mau choenne usschlafe, aso bis am 10.30 a.m. immerhin.... am namittag bini ner mit der sandy iz chino, und in was fuer eins! es si 13 fiume ufs mau gloffe, da het baern mit 3 fiume ufs mau ke stich dergaege ;-). fie chlini popcornpackig vo hie isch selbstverstaendlech so gross wie die grossi bi eus.so iz no waerbig:dir muesst dr fium LITTLE MISS SUNSHINE ga luege wener bi euch use chunnt. aecht!!! der ist zum schreien!!!
gruesse von pia
ps das mit de fotos klappt no nid. dr pc wot die neue fotos eifach nid erkenne, die vo deheime erkennt er abr die neue nid. schreg...
jojo
hellouudio
es paar hei mi gfragt wege mire adresse, aso hie isch si:
RICK AND SANDY CURRY
17124 STODOLA ROAD
MINNETONKA, MN 55345 ( MINNESOTA)
USA
TEL. 001 952 906-0490
ja abr me muesst de scho pia drufschribe
also huet isch dr tag nid so toll gsi. school sucks abr ja...
ha denkt i choennt euch mau chli oeppis ueber mini gasteutere u so verzelle.
ok sisi beidi vou gege chrieg. u si totali bush gegner. ir sandy ihri eutere hei das irgendwie aus pruef gha, aso si hei fuer fride gsortg. eehm si hei sech eifach fuer e fride igsetzt ( ja so hanis guet gseit ;-p ).
ja u dr rick isch mit 19 fuer 2 monet z jamaica gsi u dert het er e grossi liebi fuer reggae entwicklet. er lost no huet bob marley. u er steit uf aute rock'n'roll. er isch pilot, u si hei irgendwie sone firma wo mehl macht...villech hanis fausch verstande;-)
d sandy isch sozialarbeiterin ire middleschool u ihre cousin isch dr regisseur vom fium freaky friday gsi! isch das nid cool!?
U si isch Homecommingqueen gsi!
eeehm ja si hei 3 soehn. dr eint isch vori grad da gsi er heisst chris u isch single abr nid mi typ ( u ueber 20 );-)
denn hei si dr ryan wo z san francisco wohnt mit sire frou wo im moment grad mit em erste baby schwanger isch. mer goe se fuer e wuche ga psueche.
denn gits no dr jason. er het chlini 2 ching u ein frou hehe
sini frou heisst quincy.
jaa was gits suesch no? ah huet hani z erste mau d hustuer benutzt. suesch simer imme bir garage use;-p
i ha folgendes scho kaputtgmacht: wc und garagetuer.
bim wc weis i o nid wiso abr woni einisch ha gspuelt isch wasser usegloffe...
u bir garagetuer ehm... i hase huet weue oeffne abr ha nid gwuesst wie u wiu niemer isch da gsi, hani eifach chli dranne umegfingerlet...jaaa u ner isch si nuem ufgange...abr iz geit si widr u z wc o ;-)
hm...ah morn gani a mis erste footballgame u ner isch sone tennisdance. isch sone art disco ( wo nume bis am haubi 12 geit :-p ). u am samsti gani zersch so ane poolparty fuer au ustuschschueler odr so. u ner ane hochzit. abr i wirde z esse u so verpasse wege dr poolparty u eifach ga tanze. i ha nes henne cools chleid muhahaha ( fuer mini eltere wegem geld z beruige: es isch geborgt ).
ehm ja...i gloube das wers fuer huet.
pia
School
hallo
hut bini ir schu gsi. maaaann isch die gross. us gseht genau so us wie ide filme, mit de gaeng u de puut, football spiler, cheerleader u sogar d lehrer gseh so us...einisch hani ire pouse im gang muesse lut loslache wiu mer aues so ireal isch vorcho, so aus wer i ine teenie fium grate. das isch liecht pinlech gsi...;-)abr i gseh die lut eh nie meh. s si oeppe 2600 schueler i mire schu u es isch liiiiiecht verwirrend gsi wiu aues so gross isch...ja u vowege d amerikaner si pruede, u hei strikti chleiderregle! jedes zwoite modi isch mit emene jeans minijupe umegrennt ( u i meine die chuerzischti variante vo minijupe ). ja u i mire math klass hets eini die isch genau so wie die vo meangirls. da ir houptperson ihri besti fruendin, aso die schregi mit de schwarze haar ( we der wuesst weli i meine ;-) )... u ebe die het die ganz zit pennt. u d lehrerin het ihre immr widr gseit das si seu zuelose, u si het geng gseit i lose ja zue u het ner witerpennt. liecht amusant gsi. ;-p
das mit em tanze het nid klappt wiu s unfair waer gsi fuer die andere wo nid si ine cho :'-(
aaaber...ig cha iz neume anders haerae muahahah. zwar nur 2 mau ir wuche abr das isch scho guet. einisch jazz und ner no hiphop :-D
heute hani z erste mau z huus z fuess verlaah ( isch das nid schreg?? ), bi mit em hund i waud, ke panik i ha mi nid z viu bewegt, mer wohne grad am waud.
so iz zu eppis anderem...woni no ir schwiz bi gsi hani denkt i wirde villech so 3 kg zuenae hie, abr wies usgseht hanis underschetzt. i weis iz wiso vili amerikaner so "schweri chnoche" hei. si esse henne viu u zum zmorge esse si das wo mir zum znacht esse ( abr das wuesst dir ja scho ). i ha denkt i cha de eifach aube fruecht esse u de blibi scho so bimene normalgwicht. aaabr amerikaner due ihri appels u so i kuehlschrank u zwar z unterst. aso muesst me zersch no dr kuehlschrank oeffne, denn sich bucke, denn das teil oeffne wo fruecht din si ( ok das wuerd ja no ga abr...) weme sech e frucht griffe het merkt me das si gfulet isch u de nimmt me e anderi u merkt das si gschimmlet isch usw...drum ischs viu eifacher eifach es cookie z neh wo griffbereit ire schachtle uf em tisch steit.ehrlechgseit issi iz grad eis...aso versuechet euch no es letschts mau mi vor euch z gseh wieni bi gsi wiu so wirdenoi nid widercho :-(.......;-)ehm ok ig stusse definitiv...drum segi iz tschuess
hugs
pia
helloudi
merci fuer euchi coments die si very cute!:-D freue mi ueber jede neu!
aso i antworte hie mau if die fragleche frage vore gwuesse person...;-) ( was vo hinterchapele??? du bist doch die monsterameise und rennschnecke! odr nid? mou eh...stuss...stuss..)ehm ja i ha immr sandz gschribe wiu bi dere tastatur dr z dert isch wo bi eus dr y isch...aso denn z zimmer isch nid rosa es isch sone art gruen odr so, sehsch schlicht, sehr edel:-p
ehm dr rickedick seit mer neuerdings hon u er het mi vori zuefelligerwis grad gfragt oeb er das darf....:-p
ha ke problem mit em visum gha. ( nid so wie du;-p )
aso iz zu de news:
mer si ueber s weekend zu ihrem lakehous gfahre. ( fotos choeme no )s isch e autofahrt vo 3 std gsi. abr es het sech glohnt!! ds isch e riiise huette direkt am see. i bi wasserski gfahre, ha wakeboarding usprobiert, fische, jetsky, sone schluch hinterem boot...ach jaa so nebebi MIR HEI ES BOOT so mit ledersitze u so, liiiiiiecht edel.
hm...ah i ha no jason, quincy, luc u greta kenneglernt. ds si d chind und d grosschind vo mine hostparents. d quincy isch circa 26 u d schwigertochter. i verstah mi u guet mit ihre u ga die wuche mit ihre ga shoppe...apropos jede morge weni usem zimmer chume sege aui ooooh tolles outfit! guet fuer mis ego ;-)
hm die nechschte 3 weekends gani ane hochzit, ner isch dr homecomingball. muahahaha ich kann auf nen ball gehn. ehm ja...
heute hani neui luet kenneglernt wo o uf mini schu goe. settigi wo da o nes ustuschjahr mache ( vo venezuela, spanie, norwege, deutschland, turkei, albanie, gahna ( ke ahnig wie me das schribt ), brasilie...) i bi die einzigi vor schwiz-_-
abr dert ( so are wilkommensparty ) hani ono luet wo do wohned vor schu kenneglernt. u iz chani villech so ines tanzteam wo aube i de pousene vo football spil odr basketball tanzt. abr eigentlech si d ufnahmepruefige scho gsi...villech klappst, villech nid....
aso morn isch mi erst schutag......
glg pia
