aber hallooo
also es git news vom tanze. mer waerde eue glich nid so schlaecht si bim uftritt wiu iz de es paar usekickt waerde. aso es choei nume die guete ga. aso ischs glich nid so d blamage ufztraettae. z problem isch das ig mer ja sone musku i mim wadli verchrampft ha u nuem wuerklech schnaeu cha ufstah=i cha d choreo nid perfekt mache=ig gheie villech use!!! :-(abr jaaa villech besserets bis am maenti ( denn wird entschide waer tanzt u waer nid ).morn isch scho dr 1 december!!! das heisst das ig iz scho sit 3 moenet hie bi. wie die zeit vergeht...und das heisst das ir rahel ihri mere geburtstag het HAPPY BIRTHDAY :-D jaa was no? ah, es isch grad hirsch jagtseason. dr rick isch e begeisterte jaeger er het abr zum glueck no ke hirsch verwuetscht :-pu wiu er ganz genau weiss das mer die arme tierli leid tue seit er immr bevor aer geit: " pia do you know what I'm going to do? I'll kill bambie! muahaha" ;-p
English
i bi i letster zit chli e verwirrti person:- ha mi widr mau usgschlosse-ha ploezlech mi lunchcode nuem gwuesst-ha mini tanzhose dr fausch waeg agleit us ersch nachere haubstund gmerkt-verluere zueg ( ok das isch ja zimlech normau bi mir abr...) u treume das igs finde...was sech abr besseret het isch das ig nuem so toupatschig bi. bi iz gloub sogar so zimlech normau was das ageit :-Dguet iz zu mim englishi verstah iz aues, klar verstani aube einzelni woerter nid, abr i verstah konversatione. i cha o guet rede. mis problem isch eifach das ig no nid so guet im schribe bi wiu ig die meiste woerter ersch ha ghoert u no nie ha gseh, natuerlech hani iz scho es bessers wuesse wie me das choennt schribe aso ischs nid so schlimm. i ha problem mi in duetsch uszdruecke maengisch. verwende outomatisch aenglischi uesdrueck odr verduetsche die englische.iz zu es paar usdrueck wo im aenglisch eigentlech gar nid speziell si, abr we me se wort fuer wort iz duetsche uebersetzt sisi liecht amusant.hie einigi bispiu:"holy cow!" ---> heilige kuh!"jesus!" ---> Jesus! ( ok das isch z glichlige abr mir verwends nid eso )"holy smoke!" --> heiliger rauch!"she is cute as a button" ---> sie ist suess wie ein knopf"I'm just bullshiting" ---> ich stier-scheisse nur"that sucks!" --> das saugt ( ds beduetet eigentlech: das ist scheisse )iiiiii ire wuche performe ( tanze ) mer scho ir haubzit vom basketballgame. derbi si mer no niene u die meiste si huere schlaecht ( ig natuerlech nid ;-)). dr tanz isch u lahm...das wird ja so d blamage...naja villech o niiid? ( oh bitte gott mach das es guet chunnt ).bim einte teil bim tanz mache mer so oeppis i de chnoei u das duet huere weh wius so astraengend isch. u i ha mer gloub e musku verchrampft odr so wiu bi dem teil wo mer wider soette ufstah duets so weh das mir fasch d traenaeh choeme. supa. hoffe mau bir performance isch das widr waeg...oooooooooooooooooooooooooooooooo hilfe! :-Dim english hei mer iz afa the odissey laesae. ha vou der vorteil: wiu mer das theater hei gmacht weis ig iz aui naemae vo de goetter u kenne d vorgschicht u so. muahahau nachdaem mer das glaesae waerdae ha, wirde ig mir ja widr so gebildet vorcho ;-Dgruessliiiiiii us em chaute minnesota!!!
auto oder so
gester nacht si mer nach em borat luege chli im outo umgaengsteret. kolleg vo mir het sis outo ufpimpt. s het e fernseh, so edli liechtli u we me uf sone chnopf druekt wird us de hingere sitzreihene es bett. u gluecklicherwiis laebt er ar gliche strass wie ig!!! mer si gloub die einzige jugendleche hie.
oooh hale i vermisse di :-(
naja immer hin bini nid ganz elei :-p
jaaa huet bini z erste mau z st. paul gsi. ( st. paul und minneapolis nennt me d twin cittys ) st. paul gfaut mer
besser wius euter isch. mir isch ufgfaue das ig toooooootal uf auti hueser stah
bern i vermisse di :-p
abr was mer hie gfaut isch das es viu e groesseri viufaut vo luet het. aso luet vor ganze waeut. vo daem haer ischs hie viu spannender. jede chunnt vo neume anders. ha hie scho luet vo jedem kontinent troffe.
Guete Morge
eigentlech waer ig iz ja no i mim warme bettli am troeimae abr eine het mer am 8:00 eifach agluete!!! was geit mit daem? " jaa i bi scho sit em 7bni wach" zzz i abr nid!! naja o egau.ah villech wuesst der gar nid das mer gester u huet hei schufrei becho wiu thanks giving isch gsi. guet iz oeppis zu mim zistig abe. mer hei sone iiladig becho zu som ne thx giving aesse wo mer hei kollege choenne mitbringe und food. aso hei mer das gmacht u si dert am 6i ufkruezt. u scho woni bi acho ischs mer chli schreg vorcho wiu mi au leiter so ueberfruentlich begruesst hei u ja so froh si gsi mi kennezlerne. i ha mer da abr no nuet grosses daenkt. vor em aesse ischs ploetzlech stiu worde u au hei afa baetae ( ok das isch o nid so abnormau wiu hie si no viu religioes ). ner nach em aesse het eine sone red ghaute wiso mer thx giving selebriert u blabla. abr nach dem het sone andere gret, so ueber gott u d hoeu u dr himu u we me boes isch chunnt me id hoeu. u jaaaaaa s isch totau sektemaessig inecho! u si hei o sones traeffe einisch ir wuche u mer seue doch mau cho. nei sry nach dem traeffe bini mit kollege z erste mau sit i in amerika bi ( ! ) i nes fast food restaurant ga aesse!! erstunlech das das so lang isch gange he?iz oeppis vo mire schuel:
me het 6 lektione a je eire std. sini faecher cha me selber uswaehlae jedoch mues me english, us history und math belege. es git abr verschideni kategorie i jedem fach zB im math: algebra, geometry, higher algebra, higher algebra/ geometry, tabulations...nach em ne halbe jahr duet me si stundeplan aendere. ah u we eim es fach nid passt cha mes i de erste 2 wuche eifach abwaehlae und es anders naeh ( ustuschschueler choei wenn immer si wei muahaha ).
zwuesche de klasse het me oeppe 5 min fuer z klassezimmr z waechslae. z lueti luetet nach jedere stund us, denn i( nume zum warne ), denn nomau i. das verwirrt mi geng wiu we ig z 2te lueti verpasst ha u z dritte ghoere meine ig immr das ig no zit ha, was ig abr nid ha, was de zum ne "tardy" ( verspaetet ) fuehrt. u we me z viu tardys het de bechunnt me e schlechteri note! i weis abr nid wiu viu tardy es brucht fuer e schlechteri note, i chume zimlech viu z spaet in math u theater and the theater teacher doesn't care, but the math theachers do...oooou i ha us versehe english gschribe!!! :-D haha genau das passiert mer we ig sms schribe u mit oepperem angerem ire andere sprach rede. item...mir hei es student government/ schueler regierig ( i wuerds iz am ehste mit em klassespraecher ir schwiz vergliche nume das das hie viu groesser isch u die viu meh macht hei). mer hei o abstimmige fuer verbesserige u umfrage u so zueg. u agemein hei hie schuele viu meh e beduetig aus ir schwiz. es chunnt nit saeutae vor das "mer" ir zitig si odr "mer" sammle gaeut fuer armi luet odr z aesse, spiuzueg...
ja u dr schusport isch o totau wichtig. d resultat vo de highschool football und hockey games choeme sogar ir zitig. ah u naebebi "mir" si zimlech guet, gwinne geng so meisterschafte. grad gester hei eusi cheerleader die staatswiti meisterschaft gwunne, i bowling si mer o die beste, so wie im schwuemme usw.
immer am afang vor 2te lektion luegt me ir klass d "minnetonka morning show". dert hets announcements vo: de sportler, clubs, verastautige, spaende, em schuleiter....ungeranderem hei mer o euse "weather men jeff" ( de isch homecoming king worde ). jaa es isch wie d tagesschau.
guet ig gloube dir moeget iz nuem laesae u i ga iz mau ga zmorge aesse.
schoens taegli no :-D
Thanks giving
i bi iz grad vom thanks giving aesse zrueg cho. u i bi liiiiiiiiecht mued ( das ligt dra das dr truthahn so oeppis dinne het wo eim mued macht ).ha aso huet die ganzi family vor sandy troffe. ganz nett ganzz nett...z esse isch iz ueberhoupt nid speziell gsi finde ig. eifach zaesse. ooooh i bi so mued ig cha nuem witerschribe. morn de widr.
houses
es typisches hus in minnetonka u umgaebig...-isch es eifamiliehus-het e kamin odr mehreri (abr d heufti dervo isch fake. ) -het d chuchi nid im ne gschlossene rum. -isch riisig.-chocht mit gas.-weme im untergeschoss isch, ghoert me sogar dr hund ober sich loufe (=schlafprobleme meinerseits)-het 1 bis 2 garage-het tusigi vo liechtschauter-het ke umzuhnte garte-het e cheuer und es erdgeschoss, ke 2te stock-dr chaeuer nennt me basement u es isch nid gruselig, draeckig u dunku. me wohnt drinne, es isch wie bi eus dz erdgeschoss u z obergeschoss gmischt-het meh aus e pc/fernseh-het oeppe 5 telefon-het fitnessgraet und e billardtisch-het e hund abr ke chatz-het e mikrowelle u e riise kuehlschrank-het e klimaalag u uuu weiche teppichbode-het 2 chuchine, eini im basement u d houptchuchi im grundgeschosshie wot ig no amerke, das die meiste vo mini feststellige nid fuer die ganzi usa zeue. jede staat isch voellig anders. ig rede aso meistens eifach vo minnetonka u umgaebig, abr aube o nid ;-)
bliblablo
gester bini widr mau ga es play luege ( was langsam zimlechech standart wird :-p). u iz bini elei deheim wiu d sandy z san francisco isch u dr rick bim cabin. mensch ei viertu vo dem schujahr isch scho duere. d zit vergeit abartig schneu!was mir isch ufgfaue: hie hei si i jedem restaurant oeppe 8 flachbiudschirme wo hockey, basketball odr football uebertreit wird. mi regt das ja so uf das es immr so ueber dim chopf umeflimmeret, abr d amerikaner stoe ahnschinend uf das.
working out
helloudi!
mini note fuer das quartal si dusse:
math:A
social studies (gschicht):B
theater:A+
english:B
french ( franzoesisch ):B
nid schlaecht odr? ;-)
muahaha i bi ja sooooo guet. ok gnueg vo dem.
nei doch nid. aso mer choei eusi note immr uf m internet aluege. u so dr durchschnitt u was mer i welem test hei gha u so.
we der weit choeit ders mau ga aluege.
gang uf
http://www.minnetonka.k12.mn.usdenn druecksch uf dr linke site uf skyward family and student access,
denn bisch bi login currysan000 i
u bi password retf3cxp
u de uf gradebook u scho gseht der mini note.
us history choeit der ignoriere. i bi i dere klass oeppe nume 3 mau gsi u hase ner abgwaeut.
der choeit augemein chli uf
http://www.minnetonka.k12.mn.us/ umeluege, s isch d homepage vo mire schu. u s het o so videos u so.
gester bini nach em tanze mit dr lorena iz chrafttraening gange. mer hei es zentrum ir schu u oeppe au sportler ( schueler )goe dert oeppe au tag here. fuer mi laengt gloub 2 mau ir wuche o scho us :-p
uf jede fau hani iz boese muskukater abr ig fuehle mi sehr sportlech ;-D
huet hei mer im english hamlet fertig glaesae u ig fuehle mi daher o sehr gebildet :-D
ig gloube ig mues mi blog chli meh strukturiere....
aso ab iz mache mers so:
news vo mir u so, si in
blausache vo amerika, so a la schusystem, kultur, feststellige vo mir si in gruenzueg ueber mini schuel ( het chli mit beidem z due ) isch in
orangeund anders zueg ( faus es das ueberhoupt git ) isch in schwarzsomit choeit der nume das laese wo der intressiert dran sit, weni widr mau viu gstusset ha, u der wenig zit zum laese heit.
ooooh i bi ja so ein smart cookie ( die bruche hie de usdruck aso nid lache! )
ciaooooooo
dance
helloudi. mensch ich bin ja so was von alle! das studio hiphop isch ja zum staerbe astraengend!!! mit dr choreo chumeni scho einigermasse mit, abr si isch soo schnell das is gar nid richtig cha tanze, es isch so stressig schneui musig. u ner hani no jazz gha. d choreos hani iz so zimlech druf, abrseh dervo das i haut mini bei nid wuerklech cha strecke u so. aso bini afangs stund no zimlech happy gsi u ha so denkt: yeah i chas. :-)
abr ner het si gseit das mer vor dr choreo no "blabliblu odr so" muesse mache was so viu heisst wie: 12 drehige u de e sprungdreihig( was ig sichr nid cha!. tja nach dem chani natuerlech d choreo nuem usfuehre wius mir so sturm isch u i fasch umfluege.-_-
abr i soett mi iz hie nid beschwaere! schliesslech wott ig das ja. chli meh disziplin !( gruess ad ines :-D) im ne monet gseht das bestimmt aues scho viu besser us. jep jep
weni id schwiz zruegchume rede ig eue bessr hochduetsch aus bernduetsch wiu ig ja hie no oft mit de duetsche ustuschschueler talke. mis duetsch toent scho extrem duetsch :-p
bi fuers weekend scho widr fuer ne geburiparty iglade! oh yeah. u nechst weekend isch gloub scho thanksgiving u mer hei widr mau 2 taeg nid schu. ig liebe au die fiirtaeg wo eus schufrei gaebe :-D
tschuessli
boom
aaaaaaaalso gester ir nacht bini exchange tante worde :-p
s isch dr son vom ryan and vor liz. si hei z baby doch tatsaechlech becker gnennt. -_-
also dr hiphop club isch aecht guet. mer hei e name abr i ha ne vergaesse, maybe oeppis mit s..?
z einzige problem isch das mer chli viu si ( oeppe 17 modis u 9 giele ). i ha leider nid wuerklech choenne uschegge wie die andere so si wiu i bi ir forderste reihe gstande u mer ke spiegu hei.
am 8. december hei mer scho euse erst uftritt! und zwar ir haubzit vom basketballgame. I'm pretty excited :-)
u morn startet mi hiphop kurs im studio.
also es git so es ungschribnigs gsetz im schugang: me louft geng uf dr rechte site, somit verminderet me stou. denn hani mer no oeppis anders ipraegt; wed scharf um ne egge loufsch, putschisch zu 88% i oepper ine!
und, mache einen bogen um tueren; wenn du sie nahe passierst und sie jemand oeffnet=booooom.
helloudi
gester abe bini ar geburtstagsparty vor lorena gsi. mer hei au dert uebernachtet u si oeppe am 06:00 ga schlafe. dummerwiis hani am 10:00 wider muesse ufstah wiu ig am 12:00 mit sandy, rick, mine "grosseutere", mire nonie gsehnige "tante" u ihrem ma zum lunch verabredet bi gsi. bi dert eifach so haubschlafend-liiche maessig ghocket u ha immer chli glachet odr yes gseit weni ha denkt es isch abracht...
wuesst dir was ig mi langsam frage? BI IG EIGENTLECH DIE EINZIGI USTUSCHSCHUELERIN WO HIE NID SUUFT ODR ROUCHT?!?
i meine hallo? die vergaesse eue au das mir nie meh choei nach amerika zruegchere we mer verwuetscht werde!!!
au suufe was das zeug haelt u i bi hie so die wo seit: nei das bruchi nid...erinneret mi irgendwie a auti zite ;-p
hie hei si eifach aues i anderne maas agae. isch zimlech verwirrend. aso ig bi 5 feet 11 gross, wiege ( da ig extrem zuegnoh ha ) 145 pounds u ha d schuegroessi 9. u i ha ke ahnig weli chleidergroessi ig trage u wirdes eue o nie usefinde. amen!
jekyll & hide
gester u vorgester hani unbedingt weue uf e blog schribe abr i ha ke zit gha. u iz woni zit ha isch mi chopf so laer. wahrschinlech hani vor gester eifach mi frust weue loswaerde wiu ig 4 teste ha ga ( hie isch naehmlech quartal gsi am donnsti, u mer kenne ja d lehrer, stopfe immr aues no am schluss dri...).
aha mou iz faue mer widr es paar sache i zum verzeue.
i ha endlech mi "stundeplan" fuer z hiphoptanze im studio becho. ha am DI am haubi 4i aso direkt nach dr schu. abr z problem isch das ig scho am DI jazz ha u i ma irgendwie nid 2 mau tanze a eim tag ha. das heisst ueber e stund im outo umefahre...
am mittwuch hei mer z erste hiphipdanceclub ( jaa i weis nid wie me das nennt ) meeting gha. mer hei no nid tanzt, si hei eus eifach verzellt was mer de so waerde mache. aso mir werde a de girls-basketball und boys-basketball games ir haubzit uftraetae, ar talentshow mitmache, mit angerne tanzgruppene zemearbeite, e dance organisiere fuer gaeud z sammle ( mer si nehmlech oeppe z einzige team wo gratis isch ), a competitions mitmache...
trainiere due mer 2 ord 3 mau ir wuche. u iz chunnt z problem: was we sech d tanzteamtrainings mit de tanzstudiotrainings ueberschnide? naja i hoffe mau nid.
( fuer die wos nid schnaue: mir hei ir schu e gruppe und i nime nebebi no im ne tanzstudio stunde )
eusi schu fuehrt im jahr oeppe 4 musicals uf.
u gester bini am highschoolmusical gsi. si hei jekyll & hide vorgfuehrt. nuet gege "das urteil des paris" abr woooooooooooooow das isch ja angers guet gsi!!!! so richtig professionell. wie die hei gsunge, u gschouspileret, z equipment, aues isch so aecht gsi. so wooooow so ja. si hei natuerlech o viu meh gaeud zur verfuegig gha u e profssionelle regisseur u castings. abr die luet hie si so talentiert! da fingsch iz gloub ke unterschid zwuesche de profis be grease u bi dem! i bi aecht ueberwaeutigend gsi!!!
MALL OF AMERICA + Vote und so witer
joah i bi am sunnti mit der vera u dr julia ( siehe hut-bild ) id mall of america ga shoppe.
uf dem bild gseht der das si 6 stoeckig isch ( ok dir gsehts nid wiu ig nid aui stoeck ha uf z foto bracht! )
<-- amerikanischi schoufaensterpuppe
jeeeeeee
legoland ir mall
es cafe ir mall wo so a la jungle dekoriert isch gsi
<--- mir si tiger, merkt mes? :-p
-------
so huet so wahle. die ganzi schu isch vou mit poster das me seu ga waehlae u au wo 18i si gsi choei ir schu ga waehle ( ir schu ).
scho sitt ig hie bi, steckt i jedem zwoeite garte es schiud mit em ne name druf ( am afang hanis nid gschnaut fuer was, abr ) die mache das fuer waerbig fuer ihri favorite z mache.
-------
gester isch eusi schu i de nachrichte cho, wiu si so unsicher sigi! ( i has verpasst z luege abr si heis huet ir morningshow vo eusere schu gseit ).
aso ahnschinend isch e reporter i eusi schu cho u het glouegt wie wit er ha "idringe" ( i has dummerwis nid mitbecho wie wit, das waer dr spannend teil gsi, abr er hets emu gloub nid bis zum schuleiter sim buero gschaft). mer si nid die einzigi schu wo schlaecht het abgschnitte.
uf jede fau het iz dr schuleiter gseit mir seue ufmerksamer si u we eus oepper uffaut wo mer nid kenne seue mers maeudae ( wie idiotisch isch de das? mir hei uebert 200 lehrer u 2800 schueler. ig gseh jede tag aso ca. 2900 froemdi! amis -_-)
-------
morn isch z erste hiphopdanceteam meeting. bin ja tooootal exited! :-D
JAJAJAJA
helloudi people!!
gester bini ja ar geburiparty vor grace gsi u dert isch oeppis wunderbars passiert: ig ha z erste mau amerikanischi girls gfunde wo spassig si! ( jaa i cha mi nuem guet in duetsch usdruecke, aber der wuesst hoffentlech was ig meine ). die angere modis hie si au so fake, odr es funkt haut eifach nid :-p. i ha scho chli panik gha das ig gar ke amerikanischi wiblichi kollege hie finde, wiu ig haenge hie nume mit jungs ume...abr iz hani se ja gfunde :-D
i bi ja soooo froh das ig bi de currys bi. mer passe huere guet zeme, si si genau so irr wie ig ;-p
bb
GREASE
gester am morge hei i ud sandy chli ir zitig gluegt was so louft ( filme, konzert...) u was hei mer gseh? z broadway musical grease wird in minneapolis ufgfuehrt!!! mir si beidi toootali fans vom fium u vor musig drum hei mer eus denkt, gehn wir doch!
aso hei mer agluete. si si aber scho sit monate usbuecht gsi. :-(
aaaaaaber 2 luet hei abgseit = mir hei glich choenne ga.
ig sege euch es isch ja soooooo cooool gsi ( gaby, ig weis ig hett di seue mitnaeh ;-p ) ( jamila, si haben unseren song gespielt ;-) ). jaaaa i bi total fan!!! jojoojojojojajajaja
guet iz werde mer widr normal...
bi fuer huet abe ane geburtstagsparty iglade :-).
u morn gani mit kolleginne id mall of america ga shoppe.
cya
( rahel: irgendwo i dem itrag isch e insiderwitz fuer di. hesch ne bemerkt? :-p)
Homecoming pictures
helloudi, hie si es paar homecoming fotos!!! enjoy it!
moi
mer aui bim dinner
von rechts: vera, ig, kathleen, scott und boe ;-)
...
vo rechts: stefano, vera, moi et oli
we are sooo cute
die ganzi gruppe
vera et moi ( isch dr hingergrund nid schoen? )
and again...
huet woni am morge bi ufgstande hani denkt: huet isch e schlaechte tag. guet, ner bini id schu u woni ha weue mi locker oeffne, hanis nid bim erste mau gschafft! u das isch scho mau es schlaechts zeiche. ner bini id english klass u ha mis essay ( ufsatz) wo 25% vor gsamthaubjahresnote usmacht zrueg becho. es isch ke note druffe gsi, u es isch druff gstande: we have to talk! ner bini aso nach dr stund zum lehrer u er het gseit das ig way behind sig u das ig muessi morn duere lunch mit ihm ga rede! super!
ner isch no mini besti (ir USA) fruendin chrank! u woni bi vor schu heicho ( scho haub verfrohre vom heiloufe ) het sech z garagetor nid la oeffne! ig ha dr code oeppe 1000 mau igae u es isch eifach nid gange! i ha ke schluessu derbi gha u bi drum i dere cheuti festghocket ( u mer rede hie nid vo schwizer-afang-winter cheuti, mir rede vo minnetonka-afang-winter cheuti. e groooooosse unterschid. ). i ha nid zu de nachbare choenne ga wiu ig die no nie gseh ha u si mi nid. u hie chame nid eifach so here u luete u sege: hallo i bi dr exchange student vo de currys, i ha mi usgschlosse, wuerdet der mi bitte inela das ig drinne uf si cha warte?
die wuerde meine ig sig e dieb odr e killer wo i ihres huus wot ( vergesset nid:i bi ir usa ). aso hani jedes faenster probiert z oeffne, jedes moeglecherwise schluessuversteck durchsuecht, d tuer probiert mit ere buerochlammere ufzbraechae ( jaaa das isch laecherlech u dumm, abr i bi sehr verzwiflet gsi!! ). nach 40 minuetigem versuech irgendwie ine zcho, hanis ufgae u denkt ig luete mau ir sandy uf d arbeit a ( i ha das vorhaer nid gmacht wiu si mer het gseit ig seu e schluessu mitnaeh u i has nid gmacht ), aso ig nime mis natel fuere u gibe mit mire andere hand no so nebebi ohni grossi hoffnig nomau dr code i... * das tor oeffnet sich* !!!!!!!!!!!! i ha grad e freudesschrei losglah ( zum glueck kenne ig mini nachbare nid u si mi nid ;-p ) u bi inegschluepft.
ner isch mer igfaue das ig no mit em jack mues ga spaziere -_- .was mi widr sehr deprimiert het...u huet gani widr ga e jagge sueche, was mi widr wird deprimiere da ig keni wirde finde... :-(
hahahahaha das waer ja vou witzig wes oepperem anderem wuerd passiere :-p
