ueber den wolken....
halloooooooooooo
euse pc deheime spinnt grad total u i cha mi nid wuerklech iloge im blog. das isch dr grund wiso ig nid so huefig schribe i letster zit. im moment bini im rick sim bureau. bi vori grad e stund im ne prifat flugzueg gfloge!!!!!! mini treue laeser soette ja eigentlech wuesse das dr rick e pilot isch, u drum het er mi choenne mitnaeh fuer e probeflug. pretty seweet gsi :-) mer si ueber iowa, minnesota, south dakota gfloge. zum lande hani im cockpit choenne sitze. u waehrend em flug hani wie e star uf de ueberbequeme sitze gechillt.
fotos folgen
aaaah u i ha deheime uf em pc no anderi itraeg vorbereitet abr ig cha se nid veroeffentliche wiu dr pc spinnt, u i ma se hie nid nomau schribe....
was mir no bevor steit:
-am friti bini ane christmas party iglade
-u a new years gani ane neujahrs party nume fuer seniors ( 12 klaessler ). si hei sone rise ruum gmietet u verchoufe im ganze 250 tickets.
-a eusere schu gits e sweet hearts dance. de isch so ume valentines day ume u so mit dates u so. abrrrrr das mau choei nume die wibliche gschoepf frage! das heist ich muss mich auf die suche machen ( ha nehmlech usegfunde das die meiste scho ir erste wuche nach de wiehnachtsferie frage, aso blibt mir nuem viu zit ).
hallo hallo
sry das ig so seute schribe, abr mi blog spinnt im momaent. weis nid oebs ar internetsite ligt odr a eusem pc...es geit stunde bis ig oepis cha veroeffentliche, odr es geit gar nid u ner loeschts mini ganze sache...
uf jede fau hei mer wiehnachte gfiret :-)
am 24igschtae hei mer am 4i am namittag im engste familiekreis gschaenkli uspackt u am abe si ueber 30 luet zu eus heicho. u am 25igste si mer am abe zur schwo vom rick. dertt hani usegfunde das ig e beruehmti ganscousine ha. si isch e tatoo artist! pretty cool he? ( hallo papi ) u iz gani mit ihre de gli nach minneapolis downtown ga d szene uschegge. just kiddin' mer goe eifach ga shoppe :-p
aaaaalso iz zu mine gschaenkli :-D
tshirt, haarschnitt und farb, 2 chleider, schueh, 26 $ check, credit card, nere no e strumpf gfueut mit sache, es 2its tshirt, 2 buecher, cds, foehn, cherze u so zuegs, decki, mokasins ( minnesota isch beruehmt fuer mokasins, jedoch hei das dr rick ud sandy nid gwuest bevor igs ine gseit ha:-p).
eeehm jaaa...
ES WEIHNACHTET SEHR
.
.
schoeni wiehnachte allerseits
( fraget mi nid wiso aues unterstriche isch )
14.12.2006
iz ischs scho ueber e wuche haer. u i ha scho es paar gruecht druebert ghoert wo nid stimme. drum u o wiu es paar vo euch aeuae ke ahnig hei vo was ig hie rede verzeu ig eifach mau aues...
letscht donnsti het mi e kolleg gfragt, oeb ig im lunch mit ihm wot zum nae fast food restaurant ga aessae hole. ig ha zuegseit u mer si lostgfahre. uf em heiwaeg isch aer bi rot ueber e chruezig gfahre u es angers outo isch i eus inegrast. nach daem bini ohnmaechtig worde. es isch no es zwoits outi i eus ine u het eus ine pfoste ine drueckt. ihn hets us dr tuer usegschleuderet. ig bi agschnaut gsi u me gset huet no nr abdruck vom gurt a mine huefte. waer ig nid agschnaut gsi, waer ig tod. SCHNAUET EUCH ASO IMMR A!!! ES CHA EUES LAEBAE RETTE!!!
woni widr bi zue mer cho, bini immr no im outo gsi u e frou het mi chopf ghebt u gseit ig seu ne ja nid bewege. si het mer es wisses tuech id hand trueckt u woni drmit ueber mis gsicht bi gfahre ischs rot gsi.
ner hei si mi us em outo treit, uf sones "roll-bett" wo me geng i de fiume gseht gschnallt u i chrankewage gluepft. wo mer uf em waeg zum spital si gsi hani immr no gmeint ig treume! ner hani mi afa chlemme u ha gmerkt das ig nuem treume u ha dr sanitaer henne vougstusset vo waege " iiiiiiii so lustig i ha iz die ganz zit gmeint das ig treume, abr ig treume ja gar nid!! ner hani mi so klemmt u bi nid ufgwacht. soooo lustig!!!", waerend aer isch dranne gsi mis laebe z rette.
im spital acho, hei si mi u mi kolleg id notufnahm gfahre u mi sofort a meh zueg agschlosse u undersuecht. mi ganz koerper groengdged, mis ghirni duerchluechted, glasschaerbe us mim ruegge gnoh, mini wundene zuegnaehit u zuepostitchet, schmaeerztablette gae, bluet gnoh, mi 3 mau a IVs agschlosse....nach 6 std het mi kolleg, wos us em outo het usegworfe, scho heichoenne u i bi dert immr no bearbeitet worde. si hei ner entschide das ig soett ueber nacht blibe u am nechste tag am 2 am nami hani schluessendlech hei choenne.
am montag bini scho widr im spitau gsi wiu ig so festi buchschmaerze ha gha u mi dokter het vermuetet das ig blinddarm ha. ( s het sech abr usegsteut das ig gsund bi ). am dienstag bini de zum erste mau widr id schu.
ja sache passiere. i ha iz 2 narbe im gsicht ( wo abr sehr guet heile u villech gseht mes de o gar nuem ) u si hei d faedae u z postitch scho usegnoh ). sit vorgester hani o gar ke schmaerze meh.bi eufach no chli mued u cha fuer 2 moenet ke mannschaftssport u so me mache, abr dermit chani laebe. houptsach isch DAS ig no laebae.
loet nech nid z fest vom gschaenkli choufe la stresse
euri pia
der auftritt
aaaaaaaaalso iz verzell i mau wie dr uftritt isch verloufe..
mer si aso 2 std bevor mer hette seue uftraettae id schu wiu mer no hei weue uebe. mer hei d musig nonid zaemegschnitte gha, abr mer hei eus ke sorge gmacht wiu euse dj ( jee mir hei e dj )das fuer eus het weue erledige. uf jede fau het er naer aber agluete u het gseit aer sig chrank u choengs nid mache! ner hei e capten u euse manager ( jee mer hei e manager ) muesse hei u versueche das zaemaezschnide u d fluechwoerter usezschnide u so...10 min vor em uftritt sisi no nid da gsi u mer hei scho schiss gha mer choennte nid uftraetae....5 min....4 min...3 min vor em uftritt sisi schlussendlech agrast cho u hei eus nume no schneu choenne saegae was mer bi de uebergaeng seue mache wiu mer das ja nid hei choenne uebe.
aso si mer ufe platz u hei vor ca. 300 luet euses taenzli gmacht. wo mer hei agfange isch es eifach totenstille gsi u i ha scho denkt: oooh nein ich will hier weg!!!
abrrrrr wos fertig isch gsi het z publikum ja so getobt!!!!!!! bi no nie so bejubelt worde. u i wirde so ja so viu bejubelt drum heisst das oeppis. just kidding :-p here some weird people from the team
ah ja u huet bini mit mire franzklass uf ne field trip ( schuureis ) gsi. si ga nes theaterstueck luege. isch angers witzig gsi.
dir wuesst ja nid wie schwaer mer das faut hie uf duetsch z schribe!!! i mues bines paarne woerter henne lang ueberlege wie si uf duetsch si!
send me music/ schule muahaha
oO i wirde immer wie schlechter ir schu...abr das wird schon wieder ( i mues es waerde la :-p ). bi wie gseit grad e sehr gstressti person. ha 3 mau ir wuche ca. 2 stund training u no 2 mau ei std im studio. und schu hani o no ( wirklich?! ) und iz si de gli wiehnachte u das stresst eim eh no meh. apropos: i bi doch tatsaechlech zum groesst wiehnachtsevent vo minnetonka u umgaebig iglade worde. es isch e riiiiiiise party so a la homecoming mit schoene chleidli u so. s si genau hundert luet iglade u s wird huere edel. iz chunnt mis problem: a daem tag hei mer e uftritt am ne hockey game u jaaa i cha nid a beides ga. :-(
ok iz zu
please send me musicwie ig villech scho erwaehnt ha, wirds a eusere schu e dance gae mit musig vo de ustuschschueler. aaaaaaaaalso ig ha nid wuerklech viu musig mitbracht und druuuuuuuuuum waers ja so sweeeet vo euch we der mer choenntet tanzbari schwizer musig ( ig rede nid vo folktanz :-p ) schicke. i meine wes nech grad so laengwilig waer u der nid wuesst was mache...iz wuesst ders:-p
hie nomau mini adraessae:
pia portmann at curry
17124 stodola road
minnetonka MN 55345
schule muahaha
darf ig vorstelle, mi englishlehrer DeLorenzo
er isch liecht irr ( das foto wird im yearbook veroeffentlecht, i bi ja so guet :-p )
<---
ner moecht ig euchi ufmerksamkeit no uf d puutli laenkae wo sehr unkonfortabel si
<--
mer schribe im moment im englsih e neueri version vo the odysee u mer hei choenne naeme fuer e held u fuer d muse vorschla.
findet der use was ig vorgschlage ha?
u sogar 3 luet hei fuer mi vorschlag gstimmt!
mit dem foto gruesse ig d isa ;-)
vorschau
bi huet ir mall of america mit dr radka u dr bego ga shoppe. ha viu kouft=i'm happy ( morn am morge wird das gluecksgfuehu abr scho widr
waeg si wiu mir den bewusst wird wie viu gaeud ig ha usgae:-p ).
iz hei mi grad d gangsterlis ( octavio, nick, corey) widr deheime abgsetzt nachdaem mer im chino si gsi. hei james bond gluegt. si si begeisteret gsi. ig, sry ender weniger,scho naett u so abr ender weniger :-p
i bi widr mau sehr mued u mah nid schribe. drum hani denkt ig schribe hie mau e vorschou fuer mini naechste blog itraeg:
-der auftritt- haben wir es zu stande gebracht?
-mean girls - es gibt sie wirklich!
-christmas stuff
-send me music!!
-please say always please
-schule muahaha
joo ig ga iz go schloefele oda so, ciao ciao!
hallo
i bi i letschter zit sehr busy ( fuer die vo euch wo z fuhl si zum englisch lerne: busy heisst gstresst :-p). bi iz ersch vor schu heicho u ire haub std mues ig scho widr id schu wiu mer no 2 std dr tanz probe ( mer si ja so oeppis vo no nid parat, hei no ni mau die ganzi choreo glernt!! ) u ner isch am 19:00 uhr z basketballgame, d.h mer werde oeppe am 19:45 performe. nach em game startet am 21:00 uhr e "dance" wo si gloub dr itritt aus spend fuer es armehuus odr so verwende. s wird natuerlech scho widr am haubi 12 verbi si -_-
eeeeehm... morn gani ga shoppe wius hie langsam aecht unertraeglech chaut isch u ig ke warmi chleider ha.
jaa wot nech eigentlech so viu verzeue abr ha im moment eifach nie zit!
dance
jajjaja es isch ja scho guet u raecht das ig no im team bi abr
THE DANCE SUCKS!!!!!! nei ehrlech: d musig geit nid ab, d choreo isch lahm, d taenzer si lahm...i ha mer iz mi musku so fest vermurkst das ig chum me cha loufe...u am friti muesse mer scho uftraettae!!! that will be so embarassing, I don't wanna perform! seriously, I really don't! :-(
but I'm not a quitter, soooooo I'll do it.
anyways...i ha iz gloub nume no 2-3 wuche schu, u ner hani mini erste ferie!!!!!!yesssssss
i'm still in it
jep huet hei mer aso practise gha u i bi geng no im team :-)
genug fuer heute :-p
traeume
huet si mer z erste mau d ohrestoepsel ir nacht nid usegheit! das het derzue gfuert das ig z erste mau sit ig hie bi bis am 11:00 ha choenne schlafe. u i ha liecht wirrs zueg treumt.
1. ig muessi es monster bekaempfe mit mim zouberstab, ha abr nid gwuesst das ig cha zoubere u wie. abr au andere ( raeffu, rahel u noemi )hei mer xeit das ig ja sooooo e guti haex sigi.
2. so 20 cm grossi ameisi hei d waeutherschaft a sech grisse u ig bi die einzigi gsi wo gwuesst het was me dergaege cha mache. abr ig has vergaesse u ha drum nid choenne haeufae...
3. d milene isch mit mir im ustuschjahr gsi u het im gliche hus gwohnt ( isch z huus vo mine grosseutere gsi ), i ha das abr ersch gmerkt 2 taeg bevor si het muesse heiga. u ner het d sandy ploezlech uf duetsch gret u het gseit es sigi es gheimniss u si wuerdi nume fuer die 2 taeg duetsch rede.
ok schusport isch hie ja wuerklech extrem wichtig. nid nume das es ir zitig chunnt, gester isch sogar euses hockeygame im fernseh live uebertreit worde!
u am friti hani usegfunde das mer e schuelerzitig hei.
Clubing
gester bini z erste mau in amerika "clubing " gsi, was so viu heisst wie im usgang gsi. omg hei mer mi gastpere u mi gastbruedsch e reed ghaute bevor ig bi gange. am afang hani gmeint ei saeges nume so zum gspass wiu aer suesch nid so aernst isch. hie was aer het gseit:
-leg di warm a
-am 12i (!) bisch dehei
-gang nid mit em ne ma mit
-nim ke drinks wod nid weisch oeb choennt alkohol dinne si
-blib immr mit dine kollege
-louf nid dusse ume
-das isch e gfaerlechi nachbarschaft, es isch nid so wie ir schwiz, wo di naeti busfahrer (lol) heifahre u aues so sichr isch
-hie si nid au giele so nett wie ir schwiz
-stig i kes froemds outo
-nimm ke droge
.........und noch vieles mehr
i ha mer z lache muesse verhebe...
uf jede fau bini naer am 8i abghout worde u mer si z acht ( 5 jungs, 3 maedelz) im ne outo richtig st. paul gfahre....mer hei eus verfahre....bis mer schliesslech dert si gsi isch scho haubi 10i gsi...
itritt het 9$ kostet.
hie no es paar infos zu dem club:
-er heisst Stargate.
-am friti abe isch er zuegaenglech fuer luet ab 16i und es wird a daem abe ke alkohol usgschaenkt.
-es louft hip hop, house u techno
uf jede fau si mer de ine. d jagge abzgae het nume 1$ kostet. die meiste girls wo dert inne si gsi, hei sech ahnschinend nach em motto " hier bin ich, wer will mich?" kleidet. minijupe odr hotpants u es ruegefreis korsett isch standart gsi. u tanzt heii si fougendermasse:
d boyz si eifach hinger de girls gstande, u d girlz hei mit ihrem hinterteil ihre tanzpartner "stimuliert".
was no liecht amuesant isch gsi, us de lutspraecher hets einisch vougendermasse toent: " sandy stones go to the main entrance. sandy stones. your parents are waiting and wanna pick u up. haha" :-p
am viertu ab 11 hie mer de scho widr muesse heifahre das mer heil u sichr am 12 widr dehei si gsi. the end
ah oebs mer spass het gmacht? ja s isch ganz ok gsi. abr d outofahrt isch fasch me fun gsi aus dr club. naja :-p
yearbook
es schneielet, es beihelet ( was heisst beihele eigentlech? winde? ).
ja es schneit u s isch -17 grad celsius!!!
d hockey ( ishockey ) season het agfange u immr am tag wo es spiu isch trage d hockeyplayer e azueg fuer id schu. d hockeyplayer-fruendinne trage z trikot, aso nume z tshirt vo ihrem hockeyplayer-fruend ( omg das chunnt mir ja widr mau soooooo teeniemovie maessig ine!!! ).
wie eue die meiste vo euch wuesse gits ir highschool nach jedem jahr es "yearbook" vom ganze schujahr. dert drinne si fotos vo jedem schueler, lehrer u augemein vo aune luet wo ir schu arbeite. es het o so angeri fotos drinne zB vo de teams, vom pepfest, footballgames, exchangestudents ( muahaha )....
u d seniors hei naebae ihrem foto no so zueg stah u das hei mer huet muesse usfueuae. hie was ig ha usgfueut:
name: pia portmann
nikname: swiss miss ( das isch so wie ovomaltine fuer amis. s isch nid vor schwiz si nennes eifach so. s isch huere grusig( mire meineg nach), s het sogar marshmallowstueckli drin! )
favorite quote: " the greatest thing you'll ever learn is just to love and be loved in return" - moulin rouge
secret crush ( i waen bisch heimlech verknallt? ): scott ( er kennt mi gar nid u ig ihn eigentlech o nid:-p)
favorite memory: lunchtime with the guys and photoshoots in the bathroom with lorena and co.
favorite teacher: DeLorenzo
jaaaaa was gits suesch no??? mi englishlehrer DeLorenzo ( mer choei ne delo nenne odr dude :-p ) isch huere amuesant. er gstautet dr unterricht nid nume so das es spannend isch fuer ues, es chunnt mer so vor aus gstautet er ne so das er spannend isch fuer ihn.
gester het er zB es miniufnaehmegraet mitgnoh u het eus die ganz zit ufgnoh u widr abgspiut us total amuesant gfunde.
huet nimmt er eifach zmitst im ne test e bau fuere u uebt jongliere mit em fuess. odr sis lieblings eus-waehrend-em-test-verwirre ding isch e musigdose wo aer agaeblech vo sire grossmere vo italie het gerbt. er draeit das aso zmitst waerend mir am test schribe si uf u lats la abspile u taenzlet derzue.
odr aer het mit es paarne schueler sogar haendklaetschablaeuf ( jaa i weis nid wie me das nennt... ). u d stunde si geng liecht was-o-immr. huet hei mer oeppe die ganzi stund grate was fuer es outo aer fahrt, so vo sim charakter haer.. i ha natuerlech nid choenne mitrede -_- abr i bi naer mit dr farb ufcho. ig ha dunkugruen grate. jaaa so isch das
gschaenk ever becho! mini kollegin het doch tatsaechlech mis lieblings tshirt wo si mer bim unfau hei zerschnitte u 
